+976 ulemj@ulemj.com

I.TE101

Image result for control engineer Мэргэжлийн удиртгал.
Лекц №1
  I.TE101 by Ulemj Damiran on Scribd
No comments

Эрдэм шинжилгээний төлбөртэй өгүүллүүдийг "эвдэж" олны хүртээлд хүргэдэг Sci-Hub

Дэлхийн бүх эрдэмтэд Science-д нийтлэгдэхийг мөрөөдөж явдаг. Харин казахстаны Александра Элбакян гэдэг програм зохиогч бүсгүй эрдэм шинжилгээний төлбөртэй өгүүллүүдийг "эвдэж" олны хүртээлд хүргэдэг Sci-Hub сайтыг 2011 онд бүтээсэн. Үр дүнд нь Science, Elsevier зэрэг томчуудын сан хөмрөгөөс их хэмжээний мэдээлэл алдагдсан. Одоо дэлхий даяар эрдэмтэд тус сайтаас өгүүлэл татдаг болчихоод байна.

Танилц, Sci-Hub-ыг үндэслэгч:


Нэг ёсондоо эрдэм шинжилгээний салбартаа Эдвард Сноуден юмуу да. 1988 онд төрсөн гэж байгаа. 

Хэвлэл мэдээллийнхэн түүнийг баян паблишинг хаусуудаас эрдэм мэдлэг хулгайлж ядуучуудад тараагч Робин Гуд гэж нэрлээд амжсан. АНУ-ын шүүхэд тус сайтын эсрэг хэд хэдэн хэрэг хэлэлцэгдэж байгаа, буруутгасан шийдвэр л гарах болов уу. Science хүртэл энэ сэдвээр нийтлэл гаргаад амжсан. Гарчиг нь гоё: Who's downloading pirated papers? Everyone!


Одоо Sci-Hub-ын баазад 50 сая гаруй өгүүлэл хадгалагдаж байгаа. Хэрэв хэн нэгний хүссэн өгүүлэл баазад нь байхгүй бол "эвдэх" процесс 1 минутад л гүйцэтгэгднэ. Александра мэдээлснээр ихэнх төлбөртэй өгүүлэлд нэвтрэх эрхийг түүнд эрдэмтэд сайн дураараа өгдөг гэжээ. Нэг ёсондоо эрдэм шинжилгээний өгүүллүүдийн электрон хувилбарт ханддаг акаунтаа "май, үүнийг ашигла, чи буяантай үйл хийж байгаа хүн" гээд өгчихдөг болж таарч байгаа юм. Эдгээр account болон password-ууд Telegram-аар шифрлэгдсэн хэлбэртэй ирдэг байна.

Өдрөөс өдөрт Sci-Hub-ын хэрэглэгчид нэмэгдэж байгаа. Өдрийн 5 сая хандалт хэвийн үзэгдэл болсон. Газрын зургийн хувьд:


Эрдэм шинжилгээний ажилтнуудын хувьд Sci-Hub нь үндсэндээ Google болчихоод байгаа гэхэд хилсдэхгүй. Бас нэг сонирхолтой зүйл ажиглагдсан - баян улсуудаас хандалт олон байгаа юм. Ихэнх их дээд сургууль, эрдэм шинжилгээний байгууллагууд нь төлбөртэй ресурсуудэд нэвтрэх эрхтэй байхад шүү дэ. Европын болон Хойд Америкийн их дээд сургуулиудын кампусуудаас хандсан хандалт дийлэнх нь байдаг. Sci-Hub ашиглахад хялбар болохоор хэнч тойруу замаар мэдээлэлд хүрэхийг хүсдэггүй бололтой. Нэг үе Napster дуу хөгжмийн бизнесийг алинг алдуулсан шиг удахгүй Sci-Hub академик мэдээлэл хэвлэгчдийн хар дарсан зүүд болох төлөвтэй.

Александра бүсгүйн хувьд байдал эвгүй, тэрбээр нуугдаж байгаа. Зүүн Азид орогнож буй гэсэн таамаглал бий. Нодинон жил Elsevier-ийн шүүхэд хандсан хэргээр түүнийг баривчилж, АНУ-руу хаа байсан газраас нь ачиж авчирах шинжтэй байгаа. Улмаар шүүх хурал, тэгээд ял. Тэгсэн хэдий ч дэлхийн өнцөг булан бүрээс эрдэмтэд, эрдэм шинжилгээний ажилтнууд түүнийг дэмжиж Sci-Hub-д нь донэйт хийсээр байгаа юм.



Эх сурвалж: http://ganzo79.blogspot.com/ 
1 comment

Монгол-Хятадын Сэргээгдэх эрчим хүчний Инновацийн төвийг нээв

Монгол Улсын Шинжлэх ухаан, технологийн их сургууль /ШУТИС/-ийн Ректор Б.Очирбат, БСШУ-ны яамны Шинжлэх ухааны бодлого, зохицуулалтын газрын дарга Ж.Даваасамбуу, Эрчим хүчний яамны Төрийн захиргаа, удирдлагын газрын орлогч дарга Д.Баянжаргал, Диспетчерын Үндэсний төвийн гүйцэтгэх захирал Х.Цогтбаатар, ШУТИС-ийн Эрчим хүчний сургуулийн захирал Ч.Мангалжалав, Эрчим хүчний сургуулийн 2+2 хөтөлбөрийн зохицуулагч Г.Бэхбат нарын бүрэлдэхүүнтэй төлөөлөгчид 3 дугаар сарын 16-18-ны өдрүүдэд БНХАУ-ын Бээжин хот дахь Хойд Хятадын Цахилгаан эрчим хүчний их сургууль / ХХЦЭХИС/-д  зочилж ажиллалаа.
  
Энэ үеэр хоёр их сургуулийн Хамтын ажиллагааны ерөнхий гэрээг шинэчлэх,  ШУТИС-ХХЦЭХИС-ийн хамтран үүсгэж байгаа Монгол-Хятадын сэргээгдэх эрчим хүчний инновацийн төвийн  дүрмийг батлах, Бакалаврын зэргийн 2+2 хамтарсан хөтөлбөрийн гэрээг шинэчлэх,  Сэргээгдэх эрчим хүчний инженерийн мэргэжлээр шинээр нээж байгаа 2+2 хамтарсан хөтөлбөрийн сургалтын төлөвлөгөөг батлах зэрэг албан ёсны бичиг баримтуудад ШУТИС-ийн Ректор Б.Очирбат, ХХЦЭХИС-ийн ректор Лиу Жишен нар 3 дугаар сарын 16-ны өдөр гарын үсэг зурж баталгаажууллаа.

Мөн Монгол-Хятадын Сэргээгдэх эрчим хүчний Инновацийн төвийг нээх  ёслолын ажиллагаанд БНХАУ-д суугаа Монгол Улсын Элчин сайдын яамны худалдаа харилцаа эрхэлсэн зөвлөх Б.Гансүх, Элчин сайдын яамны нэгдүгээр нарийн бичгийн дарга Т.Мөнхгэрэл, ШУТИС-ийн Ректор Б.Очирбат, БСШУ-ны яамны Шинжлэх ухааны бодлого, зохицуулалтын газрын дарга Ж.Даваасамбуу нар үг хэлсэн бол БНХАУ-ын талаас Хятад Улсын Шинжлэх ухаан технологийн яамны Олон улсын харилцааны газрын орлогч дарга Сун Хонгхонг, Эрчим Хүчний үйлдвэрлэлийн Олон улсын худалдааг дэмжих хятад улсын үндэсний зөвлөлийн гүйцэтгэх захирал Үу Тайнронг, ХХЦЭХИС-ийн Ректор Лиу Жишен нар үг хэллээ. Тус арга хэмжээнд Хятадын талын дээрх хүмүүсээс гадна БНХАУ-ын Үндэсний Эрчим хүчний удирдах газрын орлогч дарга хатагай Янгянг, Хятад Улсын Үндэсний сүлжээ төрийн өмчит компанийн ерөнхий менежерийн орлогч Занг Шенгжи, Үндэсний сүлжээ Ногоон Эрчим хүч компанийн орлогч захирал Жи Женг нар оролцож хоёр инженерийн дээд боловсрол, эрчим хүчний салбаруудын хамтын ажиллагааны өнөөгийн байдал цаашдын төлөвийн талаар санал бодлоо солилцсон үр дүнтэй уулзалтыг зохион байгууллаа.
  
Төлөөлөгчид  ХХЦЭХИС-ийн сургалтын болон эрдэм шинжилгээ, судалгааны лабораториудтай танилцаж, тус сургуульд суралцаж байгаа ШУТИС-ийн доктор, магистр болон хоёр сургуулийн 2+2 хамтарсан хөтөлбөрийн  дагуу суралцаж буй  бакалавр оюутнуудтай уулзаж, тэдний хичээл сурлага, амьдрах орчин, учир ч байгаа хүндрэлийн талаар саналыг нь сонсож, зарим асуудлыг газар дээр нь шийдвэрлэж өгөв.
  
БНХАУ-ын Хойд Хятадын Цахилгаан эрчим хүчний их сургууль /ХХЦЭХС/ болон Монгол Улсын Шинжлэх ухаан, технологийн их сургуулийн /ШУТИС/ хамтын ажиллагааны талаарх мэдээлэл
1. Шинээр байгуулагдаж байгаа Хятад Монголын Сэргээгдэх эрчим хүчний Инновацийн төв нь хоёр сургуулийн эрдэмтэд, эрчим хүчний салбарын хөрөнгө оруулагчид, ашиглалтын компаниудыг татан оролцуулах замаар Монгол орны сэргээгдэх эрчим хүчний нөөцийн судалгаа, ялангуяа салхины эрчим хүчний нөөцийн нарийвчилсан судалгааг явуулан Монгол улсад олон улсын эрчим хүчний сүлжээнд холбогдохуйц их чадлын салхи, нарны цахилгаан станцууд /паркуудыг/ байгуулж, бүс нутгийн хүлэмжийн хийн ялгаруулалтыг бууруулах чиглэлд Монгол Улс болон БНХАУ-ын 2015 оны намар нэгдэн орсон Парисын тунхаглалаар хүлээсэн үүргээ биелүүлэхэд хувь нэмэр оруулах зорилготой.
2. БНХАУ-ын дарга Си Зинпины 2014 онд Монгол улсад айлчлах үед баталгаажсан хоёр орны удаан хугацааны стратегийн түншлэлийн гэрээний дагуу БНХАУ-аас Монгол Улсын инженерийн дээд боловсролыг дэмжих бодлогын хүрээнд Монголын оюутнуудыг БНХАУ-ын шилдэг их дээд сургуулиудад бакалавр, магистр, докторын зэргийн сургалтуудад тэтгэлэгтэйгээр хамрагдуулах ажилд хоёр сургууль ихээхэн ач холбогдол өгч өнөөдрийн байдлаар ХХЦЭХС-д ШУТИС-ийн 6 залуу багш докторын сургалтад БНХАУ-ын Засгийн газрын тэтгэлгээр 1 оюутан магистрын сургалтад, 31 оюутан бакалаврын сургалтад хувийн зардлаар тус тус хамрагдаж байна. Амжилттай суралцаж байгаа оюутнууд сургалтын төлбөрөө Бээжин хотын тэтгэлгээр 50 хувь хүртэлх  хөнгөлүүлэх боломжтой байдаг.
3. 2008 оны 3 сард ШУТИС-ЭХС, ХХЦЭХС-ийн хамтарсан бакалаврын зэргийн сургалтын 2+3 хөтөлбөрөөр анхны гурван оюутан тус сургуулийг зорьж байсан бөгөөд энэ хөтөлбөрөөр нийт 6 оюутан цахилгаан ба дулааны инженерийн мэргэжлээр ХХЦЭХС-иас бакалаврын зэргийн диплом, хоёр оюутан цахилгааны инженерийн мэргэжлээр магистрын зэргийн диплом тус тус гардан авсан. 2016-2017 оны хичээлийн жилээс ШУТИС-ийн Эрчим хүчний сургуульд ХХЦЭХИ сургуультай хамтарсан бакалаврын зэргийн 2+2 хөтөлбөрийн Сэргээгдэх эрчим хүчний инженерийн мэргэжлийн элсэлт эхэлнэ.
No comments