+976 ulemj@ulemj.com

Mimicking Robot эмнэлэгт

Түгээх
Хэдхэн хоногийн өмнө бүжиглэж дуулж байсан Mimicking Robot хэрхэн царай зүс, үг хэллэгээрээ өөрийгөө илэрхийлж байгааг харна уу. Эмнэлэгт хэвтэж байгаа хүнд хэвтэрийн өвчтөнүүдэд их тустай эд болох ч юм шиг байх юм. Би сайн ойлгохгүй байна уучлана биз дээ. Юутай ч Terminator, Surrogates гэх мэт Humanoid robot-уудтай болчихвол аймшигтай ч юм шиг гайхалтай ч юм шиг санагдчихлаа. Улам л ойртоод байгаа юм биш үү...


4 Comment:

  1. ТОДРУУЛГА
    Японы Цүкүба хотын Үйлдвэрлэлийн Технологийн Хүрээлэнд зохион бүтээсэн Actroid-F гэдэг робот юм байна. Өмнө нь бүтээгдэж байсан ийм төрлийн роботуудаас юугаа мундаг болсон бэ гэхээр нүүрний силикон арьсны хөдөлгөөнийг илүү нарийвчлалтай болгож чадсанаараа онцлог юм. Ингэснээр нүдээ анивчих, эргэлдүүлэх, хүүхэн харааг томруулж жижгэрүүлэх, инээмсэглэх зэрэг нүүр болон толгойн хөдөлгөөнүүдийг хүнтэй илүү ойролцоо гүйцэтгэж чаддаг болжээ. Роботыг компьютерээр удирдаж дээрх үйлдлүүдийг гүйцэтгэж болохоос гадна хүний хөдөлгөөнийг камераар тусламжтайгаар таньж түүнийг дууриалган хийх чадвартай гэнэ. Дээрх бичлэгт роботын хөдөлгөөнийг компьютерээр удирдан тайлбарлаж байна. Робот "таны бие гайгүй юу", "тэгж болохгүй шүү", "болгоомжтой яваарай" гэх мэтчилэн "хэлж" байна. Энэхүү роботыг ирээдүйд хөгжлийн бэрхшээлтэй хүүхдүүд, ганц бие өндөр настангуудтай ажиллах зэрэг эмнэлгийн үйл ажиллагаанд хэрэглэхээр зорьж байгаа гэнэ. Мэдээллийг NHK-ийн мэдээнээс авав.

    Өмнөх дуулж бүжиглэдэг робот нь болохоор Японы National Institute of Advanced Industrial Science and Technology (AIST)-ийн зохион бүтээсэн HRP-4 робот юм. Уг роботод Actroid-F-тэй адил нүүрээ хөдөлгөх чадвар байхгүй бөгөөд сайн анзаарвал нүдээ цавчих зэрэг үйлдлийг хэлбэр төдий хийж байгааг харж болно. Төгс хүн гэж байдаггүйтэй адил одоогоор төгс робот төрөх арай л болоогүй бололтой. Нэг нь дуулах бүжиглэх авьястай байхад нөгөө нь нүүрээ хувирган жүжиглэх авьяас нь илүү хөгжсөн байх жишээтэй.

    ReplyDelete
  2. This comment has been removed by the author.

    ReplyDelete
  3. This comment has been removed by the author.

    ReplyDelete
  4. Өө тайнкс шүү Би ерөөсөө ухаж ойлгохгүй мунгинаж суулаа ш дээ ккк Баярлалаа

    ReplyDelete

Note: Only a member of this blog may post a comment.