+976 ulemj@ulemj.com

Автомат жолоодлогтой автомашин анх удаагаа хурдны зам дээр туршигдав

Түгээх
Испани улсын хурдны зам дээр дэлхийд анх удаагаа бүрэн автомат жолоодлоготой автомашин 200 км зам тууллаа. Энэхүү туршилтын үеэр гурван суудлын болон ачааны автомашин оролцсон байна. Туршилтанд оролцсон эдгээр автомашинуудыг радар болон лазер зам чиглүүлэгч төхөөрөмжүүдээр тоноглосон байна.  Аялалын үеэр ”зорчигч жолооч“ хэрхэн сонин уншин явж байгааг та дүрс бичлэгээс харж болно. Туршилтын явцад автомашинууд 85 км/цагийн хурдтай явсан аж. Эдгээр автомашинууд бүгд бүрэн автомат жолоодлоготой боловч тэдгээр нь жолоочтой автомашиныг дагаж явсан байна. Доорх дүрс бичлэгээс та ”зорчигч жолооч“ хэрхэн түгшүүртэй байдал гаргаж байгааг анзаарах болно. Бид жолооны ард сууж байхдаа тамхи татах, нүүрээ будах, мессеж бичих, утсаар ярих гэх мэт олон болчимгүй үйлдэл хийснээс зам тээврийн осол гарах эрсдэлийг нэмэгдүүлдэг. Ирээдүйд бид жолоочгүй тээврийн хэрэгсэлээр зорчих нь зам тээврийн осол гарах эрсдэлийг багасгаж ач холбогдолтой юм. Туршилтанд Volvo компаний ХС60, V60 болон S60 маркийн автомашинууд оролцсон байна. Төслийн багийнхан дараагийн туршилтаараа шатахуун зарцуулалтанд санаа тавих болно гэжээ. 

1 Comment:

  1. "Хурдны замын галт тэрэг" гэдэг технологи. Цувааны эхэнд яваа машиныг л хүн жолоодно. Түүний жолоодлого арын машинуудад дамжуулагдаж хурд, хоорондын зайг тохируулах, замын эгнээний дагуу явах үйлдлүүд автоматаар хийгдэх учир цуваанд яваа машинуудыг хүн жолоодох шаардлагагүй. Ерөнхийдөө бол хурдны замд илүү тохиромжтой. Нэгэн хэвийн уйтгартай хэлбэрээр машин барих залхуутай санагдвал цуваанд орж автомат жолоодлогод шилжиж болно. Эсрэгээр машинаа хурдлуулж, давхиж таашаал эдэлмээр байвал цуваанаас гараад өөрөө жолоодох боломжтой.

    ReplyDelete

Note: Only a member of this blog may post a comment.