+976 ulemj@ulemj.com

Гэрэл хэрхэн автоматаар асаж унтардаг вэ?

Түгээх
Flintstones хүүхэлдэйн киноны Fred, Barney хэмээх гол дүрийн баатрууд байдаг. Тэднийг шөнө унтах үед торноос шувуу нисэн гарч ирээд гэрэл унтаагаад буцаад торондоо ордог. Орчин үеийн хотын гудамж болон орцны гэрэлтүүлгэнд ашиглах гэж сургуулилттай шувуу гудамж орцондоо хонуулаад байдаггүй нь мэдээжийн хэрэг юм. Биднийг шөнө орой гудамжинд явуулахын тулд гэрэлтүүлгийг нэгэн этгээд асааж унтраагаад төсвийн мөнгө идээд сууж байдаггүй нь тодорхой. Тэгвэл энэхүү автоматаар асааж, унтраах үйлдлийг кадмийн сульфатан фото эсэргүүцлийн ороомгоор (CdS) хийсэн мэдрүүрийн (датчик, sensor) тусламжтай гүйцэтгэдэг байна. Гудамжинд байгалийн гэрэлтэй үед фото эсэргүүцлийн ороомогт 0 эсэргүүцэл үүсэж хэлхээ цахилгаан хүчдэлгүй байх ба гудамжинд гэрэлгүй харанхуй болох үед фото эсэргүүцлийн ороомогний эсэргүүлцэл өөрчлөлөгдөн хэлхээ хүчдэлтэй болж эхэлдэг байна. Энэ үед соронзон контактын реле ажиллаж гудамжны гэрлийг асааж, унтраадаг байна. Гэрэл автоматаар асааж, унтраах үйлдлийн зарчмын цахилгаан схемийг зурагт үзүүлэв.

1 Comment:

  1. Манай багш нар 90-ээд оны үед орон сууцны орцны гэрлийг шөнийн цагт автоматаар асдаг болгох туршилт хийж байсан юм гэсэн. Гэтэл өвөл орцны цонх цантаад гэрлийн датчик зөв мэдэрч чадаагүйгээс амжилтгүй болсон юм байх. Тухайн үед технологи болон датчикийн мэдрэх чадвар хангалтгүй байснаас шалтгаалсан бололтой.

    Одоо ч амар болж дээ, хөдөлгөөн мэдэрч зөвхөн шаардлагатай үед л асдаг тогонд хэмнэлттэй төрөл бүрийн зориулалтын гэрлүүд нийтийн хэрэгцээнд хямдханаар худалдаалагддаг болсон байна. Гудамжинд бол арай л тохиромжгүй юм, гэхдээ орц, коридор, сууц, хашааны хаалганы ойролцоо ийм гэрлүүдийг суурилуулдаг болмоор байгаа юм. Адаглаад урт гартнуудыг үргээхэд бага ч болов нэмэртэй.

    ReplyDelete

Note: Only a member of this blog may post a comment.